Македонскиот селектор смета дека според играта што нашите ракометари ја пружија синоќа против силната Франција, не заслужија висок пораз од дури 10 голови разлика.
Кире Лазаров одлично ја постави македонската игра и на почетокот го изненади големиот фаворит, кој во еден момент имаше и негатива. Македонија одлично шпарираше во првите 15 минути од првото полувреме, а потоа Франција успеа да одржува разлика од 3-4 гола.
Во вториот дел Французите беа далеку подобри, Македонците многу грешеа, што на крајот резултираше со пораз од двоцифрени 10 разлика (39:29).
„Честитки за Франција, заслужено победија. Тие, заедно со Данска, можеби се најдобриот тим во светот. Задоволен сум од моите момци, но тоа не беше доволно бидејќи загубивме 10 разлика, што можеби не е реално. Можеби заслужено ќе беше да загубиме со 6-7 разлика, но кога правите грешки против селекција како Франција - тоа е. Направивме многу грешки, премногу. Можеби ова беше очекувано од сите, да го загубиме натпреварот против Франција. Сега имаме четири дена да се подготвивме за Германија. Немавме среќа што играме против овие селекции, но тоа е нашата судбина“, изјави селекторот Лазаров на прес-конференцијата по натпреварот.
