Компанијата Lenovo произведе уште еден од серијата професионални лаптопи, кој беше претставен со името Thinkpad P1. Се работи за најтенкиот и најлесен професионален лаптоп кој оваа компанија го произведе досега.
Дебелината на Thinkpad P1 изнесува само 18,4 милиметри, а тој е тежок само 1,7 килограми.
Тој е опремен со 15,6-инчен 4К екран, Nvidia Quadro P Series графичка картица, 4,6 GHz Intel Core процесор од осмата генерација, како и 63 GB DDR4 RAM и 4TB меморија. Според овие карактеристики може да се заклучи дека се работи за екстремно моќен лаптоп кој би бил одличен додаток во сечија технолошка колекција.
Но, тука не завршуваат новостите од Lenovo бидејќи компанијата го претстави и моделот P72, кој е за нијанса помоќен од Thinkpad P1. Тој поседува 6TB внатрешна меморија и 128 GB DDR4 RAM со 16GB Intel Optane меморија. Неговиот 17,3-инчен екран доаѓа со Nvidia Quadro графика.
Од Lenovo велат дека се работи за вистински „ѕвер“ наменет за професионалци кои работат со финансии или во автомобилската индустрија.
Продажбата на двата модели почнува кон крајот на август. Thinkpad P1 ќе чини 1.949 американски долари, а P72 ќе чини 1.799 долари.
