Marca во својот заштитен знак, текстот „Uno a uno“ во кој накратко ги анализира и оценува играчите на Реал, го пофали Лука Модриќ за неговиот настап во победата кај Челси (2:0) во реваншот од четврт-финалето на Лигата на шампионите.
Головите ги постигна Родриго во 58. и 80. минута. Реал на тој начин обезбеди полуфинале со вкупен резултат 4:0, во кое го чека победникот од Манчестер Сити – Баерн.
Модриќ (37) го одигра 42-от натпревар сезонава од почеток до крај, а Marca му даде висока осумка за неговиот настап на Стемфорд Бриџ со образложение: „Тој растеше како што одминуваше играта. Кога почна да влијае на играта, Реал стана опасен“, стои во текстот.
„Физички не само што издржа целосен дуел на висок напон, туку заедно со Крос и Валверде ја наметна супериорноста на Реал во него. Тој беше она што секогаш е: животното осигурување на Реал. Кога Реал поведе, до крајот гледавме демонстрација на квалитетот на Модриќ со кој го контролираше натпреварот“.
