Француската ѕвезда Килјан Мбапе уживаше во одморот на Сардинија со две убавици со кои одлично се забавуваше, а потоа се дружеше со еден од најдобрите играчи на мадридски Реал.
Фудбалерот досега имаше хаотично лето откако ПСЖ го изостави од подготвителниот тим кога стана јасно дека нема да потпише нов договор со клубот.
Беше принуден да тренира далеку од првиот тим на ПСЖ, со група играчи етикетирани како „непожелни“, вклучувајќи ја поранешната ѕвезда на Ливерпул, Џини Вајналдум, како и Леандро Паредес.
Сепак, се чини дека овие проблеми се далеку од Французинот, кој летово реши целосно да ужива и замина на Сардинија. Прво беше виден како излегува од раскошен приватен авион заедно со пријател пред да се упати во клуб на плажа.
Потоа бил забележан како се релаксира покрај базен со две девојки додека ги впивале сончевите зраци на италијанскиот остров. И двете покажале витка линија, а едната носеча бел бикини, додека другата златен. Очевидци јавуваат дека атмосферата била многу опуштена и дека екипата добро се забавувала.
Француската суперѕвезда подоцна истата вечер беше забележана како се забавува со крилото на Реал Мадрид, Родриго, што ги подгреа шпекулациите дека тој ќе му се придружи во шпанската престолнина.
