Заменик претседателот на Советот за безбедност на Руската Федерација, Дмитриј Медведев, објави текст насловен како „Наш народ, наша земја, наша вистина“, во кој ги коментираше резултатите од 2022 година.
Во текстот опишува зошто Русија ја почна војната со Украина, повторувајќи ја тезата на Владимир Путин за „денацификација“ и „демилитаризација“, а меѓу целите наведе и „заштита на сонародниците на новите територии кои по референдумот станаа дел од Русија“.
„Нацизмот е близу, ама нема да помине. Ќе направиме сè за да се осигураме дека сите цели на специјалната воена операција ќе бидат остварени и дека одвратниот режим на киевските националисти ќе престане да постои. Денес, освен нас, никој друг не може да се носи со оваа мисија“, смета тој.
Вели дека Русија сега на Запад „нема со кој да разговара и преговара за нешто, нема ни потреба“, па земјата ќе развива односи со „остатокот од светот“.
Ги отфрли мировните преговори со сегашните украински власти и коментирајќи ја нуклеарната закана, увери дека „нема да има апокалипса“.
