Лука Модриќ импресионира и кога не игра.
Утрото на денот кога кратко настапи во победата на Реал над Хетафе (1:0) во 34. коло од Ла Лига, беше и на друг натпревар. Таму играше неговата десетгодишна ќерка Ема.
Шпанските новинари пишуваат дека појавувањето на Модриќ покрај теренот предизвикало одушевување кај децата на и околу теренот и дека тие го опкружиле барајќи да се фотографираат со него.
Модриќ им удоволи и ја одушеви публиката со своето однесување по мечот. Самиот се понуди да позира за селфи и да дава автограми за секој кој изрази желба, дури и пред да го прашаат.
