Во поголем дел од времето, мажите се расположени за секс, па се добива впечаток дека жените глобално почесто не се расположени за секс активности во креветот.
Секс експертката Трејси Кокс се занимава со најчестите изговори и одговори кои жените ги користат кога не сакаат да имаат секс со партнерот. Откри дека постојат три најчести причини поради кои жените одбиваат секс, но понуди и решенија со кои тоа може да се промени.
1. Не ми е добро / Ме боли главата
Овој изговор стана толку популарен што веќе се користи во серии, филмови и шеги. Секако дека сексот не е баш забавен кога ве мачи мигрена. Но, ако жената овој изговор го користи веќе две недели, треба да посети доктор или отворено да поразговара со партнерот.
2. Имам премногу работа
Постои податок дека 75 проценти од паровите ги обвинуваат работата и обврските , како и хаосот во животот, за незаинтересираност за секс. Ако немаш време да си посветиш малку себеси, веројатно немаш време ни за секс, бидејќи и тоа е нешто што го правиш за себе.
Како пар, обидете се да создадете заедничко време само за вас двајцата. Наместо заедно навечер да седите пред телевизор, повлечете се порано во спалната соба и искористете го времето на малку поинаков начин.
3. Преуморна сум
Како да водиш љубов кога очите ти се затвораат од умор? Одморете се малку и наместете го будилникот малку порано.
„Воопшто не е лошо да го почнете денот со утрински секс“, вели Трејси и тврди дека штом еднаш го пробате овој начин на будење, повеќе нема да ви треба будилник.