Принцезата Шарлин се појави за првпат во јавност по 6 месеци, во друштво на сопругот и двете деца.
Принцезата заедно со семејството ја следеше трката на Формула 1 во Монако, прв пат појавувајќи се јавно по престој во клиника за ментално здравје. Замислената Шарлин не го тргна погледот од подот, а постојано избегнуваше да погледне во новинарите или во сопругот.
Фотографиите од тажната принцеза повторно се најдоа на социјалните мрежи, а многумина изразија загриженост за нејзината состојба.
По престојот во врвна клиника во Швајцарија, принцезата Шарлин минатата година мина 10 месеци во родната Јужна Африка. Таму беше оперирана од тешка инфекција на синусите во текот на самостојно хуманитарно патување.