Новата верзија на топката наречена Nike Flight ќе дебитира на 19-ти месецов и со неа ќе се игра до крајот на сезонава.
На натпреварот помеѓу Вулверхемптон Вондерерс и Лидс Јунајтед закажан за петок вечер по трет пат сезонава ќе видиме нова премиерлигашка топка.
Топката Nike Flight е истата која беше воведена летоска, но по трет пат има нов дизајн и тоа класичниот дизајн Total 90 Aerow кој потсетува на топката користена во Премиер Лигата од 2004 до 2008 година.
Nike Flight од четврток ќе биде пуштена и во продажба за фановите, а огненото крштевање ќе го има в петок кога нашиот Езџан Алиоски ќе има чест да игра со неа на гости против Вулвс.
Не е прв пат Премиер Лигата по трет пат да менува топка во иста сезона. Лани топката Merlin исто така претрпе три редизајнирања, така да очигледно ќе треба да се навикнеме дека и во иднина многу веројатно ќе има повеќе вакви промени во тек на сезона.
