Африканскиот куп на нации е привлечен за некои љубители на фудбалот поради целата таа егзотичност, возбудувања, скандали и сосема неочекувани резултати, а денеска добивме нов циркус.
Бранителот на титулата Сенегал одлично ја започна одбраната на титулата против Гамбија. Поведоа во 4. минута со голот на Папе Геје, и тоа е сѐ што знаеме за овој натпревар.
Причина за тоа е што се прекина преносот за цел свет, како и интернет сигналот од натпреварот кој се игра во Брегот на Слоновата Коска. Sky Sports, кој го емитува сигналот за целиот свет, им се извини на сите гледачи бидејќи сигналот беше прекинат во 25. минута.
Сепак, не е само сопственикот на ТВ правата кој е во неволја. Ниту специјализираните веб-страници кои ги следат резултатите, ниту светските обложувалници кои наведуваат дека „се чека ажурирање“, не знаат ништо за случувањата на натпреварот помеѓу Сенегал и Гамбија.
Прекинот се случи во 25. минута, и потоа настана информативен мрак. Не се знаеше со каков резултат заврши полувремето.
Навивачите на социјалните мрежи порачаа дека ова е целосен срам и непочитување на африканскиот фудбал, а сите се лути на Sky Sports. Сепак, најлогична причина за сето ова се можните проблеми со интернетот на стадионот „Шарл Конан Бани“ во градот Јамусукро.
На крајот имаше среќен епилог. Интернетот и телевизискиот сигнал беа рестартирани во второто полувреме, кога фудбалскиот свет дозна за резултатот и што конкретно се случило на крајот од првото полувреме. Сенегал го задржал водството од 1:0, а црвен картон добил фудбалер на Гамбија.
Прекинот на интернетот и сигналот траеше околу 40 минути, а во меѓувреме беше и полувремето, па на гледачите сѐ на сѐ им беа одземени околу 25 минути фудбал.
На крајот Сенегал славеше со 3:0 откако два гола постигнаа Ламине Камара во 52. и 86. минута. Така, Сенегалците успешно го започна апохопдопт кон одбрана на титулата освоена пред три години во Камерун.
Ова е втор пат за краток период фудбалерите на Гамбија да бидат инволвирани во неславна дешавка, откако претходно го обиколи светот веста за губењето кислород во авионот кога заминаа за првенството.