Африканскиот куп на нации започнува во сабота во Брегот на Слоновата Коска, а фудбалерите на Гамбија допрва треба да пристигнат во Јамусукро, градот каде што ќе ги играат натпреварите од групата Ц.
Репрезентацијата на Гамбија полета аа Брегот на Слоновата Коска, но се врати во својата татковина затоа што голем број играчи и членови на тренерскиот персонал паднале во несвест во авионот.
Имено, авионот бил премал, така што фудбалерите немале доволно кислород и почнале губат свест, по што пилотот само 9 минути по полетувањето одлучил да го сврти авионот и да се врати назад бна аеродромот.
Двајца фудбалери и по слетувањето биле во шок од непријатното искуство.
Според последните информации, делегацијата на Гамбија за Брегот на Слоновата Коска потоа заминала со поголем авион кој го обезбедила владата на оваа земја. Успешно пристигнале и веќе го одржале првиот тренинг. Во групата Ц Гамбија ја очекуваат дуели против Сенегал, Гвинеја и Камерун. Првиот натпревар им е на 15-ти против бранителот на пехарот - Сенегал.
Најголема ѕвезда во гамбиската репрезентација е напаѓачот Муса Бароу, поранешен голгетер на Аталанта и Болоња кој сега игра за Ал Таавон во Саудиска Арабија.
Африканскиот куп на нации се одржува од 13 јануари до 14 февруари. Иако се игра во 2024 година, се води како 2023 бидејќи требаше да се одржи летоска.
