Сведоци сме на бројни скандали поврзани со возраста на спортистите од Африка во последните години, а Црниот континент го потресе нова полемика во пресрет на Африканскиот куп на нации.
Социјалните мрежи горат поради фотографиите на новата „млада“ надеж на репрезентацијата на Камерун, Вилфрид Нејтан Дуала, кој доби покана во националниот тим пред големото натпреварување.
Верувале или не, Камерун тврди дека Дуала има само 17 години, иако врз основа на неговиот изглед е сосема јасно дека тоа не е така.
„Во затвор има 17 години“, е еден од коментарите на социјалната мрежа Твитер.
Според Фудбалската федерација на Камерун, Вилфрид Нејтан Дуала е роден на 15 мај 2006 година и ќе дебитира за сениорската репрезентација на 17 години. Дуала во националниот тим беше поканет од селекторот Ригобер Сонг, кој ќе ја предводи селекцијата на Африканскиот куп на нации, а кој почнува на 13 јануари во Брегот на Слоновата Коска.
Дуала моментално настапува за камерунскиот тим Викторија Јунајтед, најдобро се снаоѓа во средниот ред, а интересно е што воопшто нема информации за неговите настапи оваа сезона.
На пример, вака изгледа неговиот профил на реномираниот Transfermarkt:
Камерун важи за еден од главните фаворити за освојување на Африканскиот куп на нации, а во групната фаза ќе ги одмери силите со Гамбија, Сенегал и Гвинеја во групата Ц.
Претходно беше најавено дека на голманската позиција ќе се врати и Андре Онана, кој есенва направи кам-бек во репрезентацијата откако се испокара со селекторот и Федераџијата за време на Мундилајот во Катар.
