По повид меѓународниот Ден на пожарникарството, денеска во противпожарната станица во Автокоманда беше одбележан празникот 20-ти Мај.
Пред построените пожарникари командантот на Противпожарната бригада на Град Скопје, Владимир Симоновски, на градоначалникот Петре Шилегов му поднесе рапорт. Шилегов, во свое име и во името на нашите сограѓаните им го честита Денот на пожарникарството и им упати огромна благодарност за посветеноста и пожртвуваноста што ја покажуваат вршејќи ја својата благородна професија.
„Како и досега, така и годинава ќе Ви посакам помалку пожари и многу спасени животи. Вие сте хероите на градот, наша гордост и гаранција за нашиот безбеден живот. Продолжете во таа насока, за нашето Скопје, за сите нас“, рече Шилегов.
Фото: Град Скопје
