Понекогаш ни се чини дека ништо не се распаѓа побрзо од сапунот. Но, пред да почнете да ги фрлате остатоците од сапун в ѓубре, размислете за нивното рециклирање и реупотреба на овие неколку креативни начини.
Имате празен дозатор за течен сапун? Наместо да го фрлите в ѓубре, направете си ваш сопствен течен сапун. За почеток, соберете ги остатоците од сапун, додадете глицерин и помешајте со малку топла вода. остатоците од сапун можете да ги ставите и во блендер и да додадете вода. Мешајте околу 20 секунди додека на добиете вистинска кремаста текстура, а по потреба додавајте уште вода.
Многумина од нас имаат сезонска гардероба која чека да се смени годишното време. За да спречите да се појави мирис на влага и застоена облека, исушете парче мирисен сапун и додадете го во фиоката со алишта, или каде и да ви се складирани. Така, вашата сезонска облека ќе мириса свежо и чисто кога повторно ќе почнете да ја носите.
И мажите и жените можат да користат остатоци од сапун при бричењето. Сапунот прави убава пена и дава ист, гладок изглед како кремата за бричење.
