Samsung се подготвува да го претстави смартфонот Galaxy S21 FE кој ќе биде достапен во 4 бои.
Galaxy S21 FE се очекува на пазарот во јануари и досега се откриени некои нови детали за него. Основниот модел ќе има 8 GB RAM и 128 GB интерна меморија и ќе се продава по цена од 660 евра. Верзијата со 256 GB меморија ќе чини 705 евра. Во Германија за овие модели ќе треба да се издвојат 649 и 699 евра.
Ќе биде достапен во 4 бои: црна, бела, розова и зелена.
Уредот ќе го движи Qualcomm Snapdragon 888 процесор, односно Exynos 2100 на некои пазари. Се очекува пластично куќиште и истакнат модул за задните камери. Напред ќе биде 6,4-инчен fullHD+ AMOLED екран и селфи камера од 32 MP.
Фреквенцијата на освежување ќе изнесува 120 Hz, a ќе биде заштитен со Corning Gorilla Glass стакло. Сензорот за отпечаток на прст ќе биде интегриран на екранот.
Позади ќе се наоѓаат 3 камери, главната од 64 MP и ултраширок сензор за длабочина. Ќе поддржува 5G, а ќе го напојува батерија од 4500 mAh која поддржува 15W брзо полнење.