Манчестер Сити го загуби третиот Комјунити шилд во низа, овој пат против Арсенал. Во претходните две години загубија од Лестер и Ливерпул, но губењето на овој трофеј не значи ништо за Пеп Гуардиола. Тоа го покажа со изјава по натпреварот, а се пожали и на новите правила.
Сити секунди ги делаа од победа, имаа водство со голот на Палмер во 77. минута, а Арсенал израмни во 101. минута, односно во 11-тата од судиското надополнување. Потоа „Топчиите“ беа подобри во пенал-рулетот. Четворица играчи на Арсенал погодија, додека кај Сити промашија Кевин Де Брујне и Родри.
По дуелот, менаџерот на „Граѓаните“ не беше премногу разочаран и јасно стави дознаење дека не му е важно што три години по ред не успева да о освои англискиот суперкуп.
Му честиташе на Арсенал, а потоа се пожали на судиското надополнување на времето во второто полувреме.
Судијата Стјуарт Атвел реши да го продолжи натпреварот за осум минути, поради повреди се играше многу подолго, но тоа е сѐ според новите правила на Премиерлигата.
„Тие ги продолжуваат натпреварите поради постигнатите голови. Ако додадете 30 или 45 секунди за секој постигнат гол, тогаш во натпревар кој ќе заврши 4:3 ќе бидете на теренот до 9 часот следниот ден“, се жалеше Пеп и дополни:
„За ова треба да се разговара на меѓународно ниво. Никој ништо не ги прашува тренерите, ниту играчите. Дојди играј и прифати ги правилата…“, заврши тој.
