Колку често сте биле во ситуација да сфатите дека некој ве лаже, но едноставно не сака тоа да го признае? На некои луѓе им е во гените да манипулираат и мамат, а со помош на овие начини лесно ќе ги разоткриете и оддалечите од вас.
Често се среќаваме со луѓе кои делуваат како наши сродни души, но по некое време се случува да дознаеме дека всушност се неискрени, манипулатори и измамници. Манипулаторите често лажат, а колку повеќе сте во нивната замка, подолго време ќе биде потребно за да излезете од неа.
1. „Докажи дека тоа сум го направил“.
Ова значи дека направиле грешка која, како што им изгледа, не може да се докаже, па и понатаму ја игнорираат.
2. „Тоа е сè што знам“.
Ако забележите дека некој ја изговара оваа фраза тогаш внимателно слушајте ги неговите зборови бидејќи постои ризик дека можеби сака да ве измами или нешто да сокрие.
3. „Не се сеќавам“.
Слабата меморија е чест проблем кај манипулаторите. Веројатно сте слушнале дека една од најтешките работи кај измамниците е што постојано мора да ги контролираат своите зборови. Ако успеете да го фатите во лага, едноставно ќе почне да ви збори дека не се сеќава што кажал или направил. Прашајте го на што точно се сеќава. Искрената личност без двоумење ќе ви одговори, но на измамникот ќе му треба време да измисли друга приказна.
4. „Немам поим за што зборуваш“.
Ова е веќе директно негирање. Еден од триковите кои измамниците ги користат е негирањето на сè одеднаш, знаете дека разбираат за што се работи, но не ја признаваат измамата. Многу е тешко ваквите луѓе да ги натераш да ги признаат сопствените лаги.
5. „Дали навистина мислиш дека можам да направам такво нешто?“
Оваа реторичка конструкција му овозможува целиот товар на разговорот да го префрли на вам. Измамникот се претставува како жртва за вие да се чувствувате виновни поради поставувањето на ваквите прашања.