Истражување, спроведено на Универзитетот Саутхемптон, во кое учествувале 4.836 мажи и 6.669 жени на возраст од 16 до 74 години, откри која е главната причина за намалување на интересот за секс кај жените, односно зошто им станува досаден во врската, пренесе Independent.
Пресудна улога има времето, забележан е голем пад на интересот за секс кај жените по само 12 месеци врска. Сексот исто така им станува досаден и по раѓањето на првото дете, но и поради деца помлади од 5 години.
„Тоа може да биде последица од умор поради примарната грижа за децата, а факт е дека секојдневниот стрес многу влијае на сексуалното функционирање на жената, повеќе отколку кај мажите. Губењето на интересот може да биде поврзан и со промената на фокусот“, стои во студијата.
Фактори како недостаток на емоционална близина, проблеми со комуникацијата и лошата здравствена состојба се наведени како причина за понизок сексуален нагон кај мажите и кај жените.
Други фактори би можеле да бидат лоши спомени на сексуални односи во минатото или болести.
За жените недостатокот на интерес за секс најчесто бил меѓу 55 и 64 години од животот, додека за мажите на возраст од 35 до 44 години.
Нема докази кои укажуваат на тоа дека има каква било врска со менопаузата, стои во студијата објавена во British Medical Journal Open.
