Принцезата Шарлин по подолго време се појави во јавност со сопругот и двете деца. Нејзиниот загрижен и замислен израз на лицето повторно ја загрижи јавноста.
На еден од највеселите настани во Монако, наречен „Monaco Picnic“, принцезата се појави во друштво на 20 години постариот сопруг, принцот Алберт и двете деца.
Шарлин одбра впечатлива бела туника во комбинација со панталони, дело на јужноафриканскиот дизајнер Теренс Бреј.
Но, иако принцезата се трудеше да се насмевне додека зборуваше со седумгодишната ќерка, камерите ја фатија со замислен и празен поглед и сериозен израз на лицето. Тоа повторно ги поттикна зборувањата за можните проблеми во бракот.
Ова беше и можност близнаците да ги покажат нивните нови фризури за кои е заслужна седумгодишната принцеза Габриела, која сама си ја скратила косата и потоа се погрижила и за косата на брат ѝ. Шарлин објави фотографија од децата и нивните фризури на Instagram.
