Одличен рецепт за брз и вкусен ручек.
Потребни состојки:
3 парчиња пилешки стек
400 гр печурки
Две чешниња лук
Половина коцка пилешка супа
Половина чаша бело вино
150 гр моцарела
Маслиново масло
Сол и бибер
Начин на подготовка:
Посолете го пилешкиот стек и испржете го во маслиново масло. Вклучете ја рерната на 200 степени. Извадете го месото од тава. Во истата тава додајте ги ситно сечканиот лук и печурки, динстајте околу 5 минути, а потоа прелијте со бело вино и додајте ја коцката пилешка супа. Доколку има потреба, додајте и малку вода.
Откако ќе омекне зеленчукот, префрлете го во тава за печење. Одозгора ставете го пилешкото месо, а врз месото ставете и неколку парчиња моцарела. Печете неколку минути додека да се растопи сирењето. Послужете топло.
