Британскиот принц Хари често зборува за менталното здравје на самитите кои ги посетува, особено откако истапи од кралското семејство со сопругата Меган Маркл.
Хари знае колку е тешко да се нема поддршка, па личното искуство секогаш го споделува со другите. Сега уште една сподели дека посетува терапевт.
„Да, имам терапевт. Би сакал да имам двајца терапевти“, изјави војводата од Сасекс во текот на една седница, пренесе People.
Не е првпат Хари да зборува за неговото ментално здравје. Минатиот мај сподели дека неговата сопруга го охрабрила да побара терапија. Во документарните серии кои ги креираше заедно со Опра Винфри, Хари зборуваше за тоа како терапијата не била тема на разговор додека растел во кралското семејство.
„Дури кога неколку мои блиски почнаа да зборуваат дека ова однесување не е нормално, дека можеби треба да побарам помош, веднаш помислив дека не ми е потребна“, се присетува тој во една епизода во која зборува како периодот од неговите од 28 до 30 години биле „ноќен кошмар“.
Тоа биле денови полни со анксиозност и исцрпеност поради кралските должности. Потоа, во раните 30-ти години ја запознал идната сопруга која го инспирирала дека треба да се занимава посериозно со терапија.