Рускиот претседател Владимир Путин одржа новогодишно обраќање до Русите, опкружен со војници кои учествуваат во војната во Украина.
Путин смета дека во 2022 година година се случиле клучни настани кои ги поставиле темелите на иднината на Русија и светот, дека оваа година е исполнета со немири и вознемиреност.
„Ова беше година на вистински пресврти и судбоносни настани. Година на тешки, но неопходни одлуки, од кои најважна беше онаа за преземање чекори кон стекнување целосен суверенитет“, рече тој.
„Но, нашиот мултинационален народ, како што беше случај во сите тешки периоди од руската историја, покажа храброст и достоинство. Со зборови и дела ги поддржа бранителите на татковината. Нашите војници и офицери. Сите учесници во специјалната воена операција“, изјави Путин.
Нагласи дека „вистината е на страната на Русија, која го штити својот народ на своите историски територии“.
„Со години, западните елити ја убедуваа Русија во мирољубиви намери, вклучително и во Донбас, но всушност тие ги поддржуваа неонацистите и се подготвуваа за агресија. Сега за ова отворено се разговара, а народот на Украина се користи за да се подели и ослабне нашите земја“, изјави Путин.
„Никогаш никому не сме дозволиле и нема да дозволиме никому да го направи тоа“, додаде тој.
Изрази уверување дека Русија ќе ги надмине сите тешкотии и ќе остане голема и независна земја.
„Отсекогаш знаевме, а денес уште еднаш сме убедени дека суверената, независна, сигурна иднина на Русија зависи само од нас. Од нашата сила и волја“, заклучи Путин.