Руското Министерство за одбрана предложи ревизија на границите на руските територијални води во Балтичкото Море, според нацрт-одлуката на владата, што предизвика незадоволство на Финска, членка на НАТО алијансата.
Според предлог-одлуката од 21 мај, министерството предложи промена на границата околу руските острови во источниот дел на Финскиот Залив и околу Калининград.
„Преминувањето на државната граница на Руската Федерација на море ќе се промени“, стои во резимето на предлог-одлуката. Доколку биде одобрена, одлуката ќе стапи на сила во јануари 2025 година.
Како оправдување за промената, Министерството за одбрана рече дека претходните советски мерења на границата во 1985 година користеле наутички карти од средината на 20 век и затоа не одговараат целосно на посовремените картографски координати.
Врз основа на нацртот, не е јасно како точно би се менувала границата или дали имало разговори за тоа со други држави на Балтичкото Море.
„Финските власти ги истражуваат информациите во руските медиуми за назначувањето на поморски зони во Финскиот залив“, изјави финскиот претседател Александер Стуб.
„Владата внимателно ја следи ситуацијата. Русија не е во контакт со Финска во врска со ова прашање. Финска се однесува како и секогаш: смирено и базирано на факти“.
Финската министерка за надворешни работи Елина Валтонен изјави дека Русија треба да се придржува до Конвенцијата на Обединетите нации за морското право и додаде дека Москва сее „конфузија“.
Следуваше реакција од шефот на шведското Министерство за одбрана, Микаел Биден, кој обвини дек „Владимир Путин го сака шведскиот остров Готланд“
