Компанијата Samsung го претстави Galaxy Z Fold2, третата генерација на смартфони на преклоп.
Овој уред е спој на најсовремени технолошки решенија во комбинација со елегантен дизајн.
Нов, унапреден дизајн
Galaxy Z Fold2 има иновативен дизајн со напредни инженерски решенија. Предниот екран Infinity-O од 6,2 инчи има неограничени можности за корисниците така што ќе може да проверувате електронска пошта, да ги гледате омилените видеа без да го отворите уредот. Големиот екран од 7.6 инчи ви овозможува врвни можности за гејминг со фреквенција на освежување на екранот од 120 Hz.
Друга интересна опција е тоа што фотографот и фотографираната личност може да учествуваат во создавањето на фотката, благодарение на Dual Preview опцијата. Благодарение на флексибилноста на моделот Galaxy Z Fold2, може да направите квалитетни селфи фотографии и со задната камера.
Камерата ги има опциите како што се Pro Video mode, Single Take, Bright Night и Night Mode.
Уредот го напојува батерија од 4.500 mAh во комбинација со супербрзо полнење.
Корисниците ќе имаат пристап до Galaxy Z Premier услугите: посебен сервис за корисниците на овој уред преку кој ќе може да закажат советување, да прашаат како да го искористат целосниот потенцијал на својот Galaxy Z Fold 2. Со купување на овој уред ќе им биде овозможена и еднократна Samsung Care+ заштита за случајно оштетување на уредот која ќе важи 1 година од денот на купување.
Новиот Galaxy Z Fold2 ќе биде достапен од 18 септември во мистично црна и мистично бронзена нијанса на 40 пазари во светот. Цената варира во зависност од пазарот на кој се продава, а изнесува околу 2 илјади евра.