Хардвер

Samsung го претстави новиот стилски Galaxy Tab S5e

18. февруари 2019 - 16:16 | К.З.

Компанијата Samsung Electronics го претстави новиот таблет, кој доби значителни подобрувања во однос на неговите претходници. Galaxy Tab S5e е потенок, полесен и внимателно дизајниран за да им одговори на сите ваши потреби.

Со екран од 10,5 инчи и голем капацитет на батерија, Galaxy Tab S5e е приспособен за единствени, уникатни искуства во кои можете да уживате без притоа да правите компромис.

„Tab S5e е врвен таблет со елегантен дизајн и моќни функции, достапен по нова цена. За корисниците кои сакаат интелигенција која ги држи поврзани за да можат да направат повеќе, како и голем, убав екран за врвно забавно искуство, сето тоа ви го носи Tab S5e“, рече Ди Џеј Кох, претседател и извршен директор на одделот за мобилни комуникации во Samsung.

Поголемиот капацитет на батерија ќе ви овозможи постојана работа од повеќе од 14,5 часа, бидејќи Galaxy Tab S5e е оптимизиран за долготрајни перформанси, пружајќи ви слобода за преглед, стриминг и подолга репродукција на видеа и музика.

Што се однесува до поврзаноста, овој таблет ќе ви овозможи попаметен и попрактичен начин за интеракција со вашите уреди и ќе ви послужи за контрола над поврзаните уреди од вашиот дом, благодарение на Bixby 2.0. Новиот Super AMOLED екран со големина од 10,5 инчи совршено се вклопува со сите останати перформанси наменети за забава.

Samsung Galaxy Tab S5e ќе биде достапен на одбрани пазари, вклучувајќи ги САД, Германија и останатите европски земји веќе од вториот квартал на 2019 година.

Коментирај