Напаѓачот на шпанска Селта е прогласен за виновен и осуден за 4-годишна затворска казна, а ќе треба да плати и паричен надоместок.
Поранешниот младински репрезентативец на Шпанија од судот во Алмерија доби затворска казна во времетраење од 4 години плус 50.000 евра парична казна откако беше прогласен за виновен за сексуален напад. Одбраната на Санти најави дека ќе ја обжали пресудата.
Инцидентот се случи во 2017 година кога Санти Мина ги бранеше боите на Валенсија. Настанот се случил додека бил на одмор во Мохакар заедно со Давид Голдар, кој беше исто така обвинет како сведок кој не направил ништо за да го спречи нападот, но ослободен од сите обвиненија како негов соучесник.
Сантјаго Мина Лоренсо е родум од Виго, а кариерата ја почна во Селта. За Валенсија играше од 2015 до 2019 година кога потоа повторно се врати во Селта каде игра и ден денес. Селта од претходно најави дека во случај да биде осуден веднаш ќе биде суспендиран од првиот тим, што и веднаш се случи.
За Шпанија настапуваше за младинските категории, а за сениорскиот тим никогаш не доби можност ниту да дебитира.
Сезонава настапи на 33 натпревари за тимот од Виго на кои постигна 7 голови и запиша 3 асистенции.