Бразилскиот фудбалер е ослободен од сите обвиненија за затајување данок за време на трансферот од Сантус во Барселона во 2013 година, одлучи шпанскиот суд, а пренесуваат светските медиуми.
На Нејмар му се закануваше казна од 2 години затвор и должност да плати 10 милиони евра, но судот процени дека нема елементи за негово гонење.
Бразилецот на сведочењето пред две недели истакна дека не се чувствува виновен и дека не се сеќава дека направил некаков прекршок при реализацијата на тој трансфер. Како Нејмар, така ни неговиот татко кој тогаш го застапуваше во преговорите.
Бразилската инвестициска компанија DIS тврди дека во 2013 година имала 40% од правата врз играчот и смета дека е оштетена при трансферот на Нејмар во Барселона, бидејќи тврди дека бразилскиот фудбалер бил продаден под вистинската вредност.
Барселона тврди дека за Нејмар издвоила 57,1 милиони евра од кои 40 милиони за Нејмар и неговото семејство, а 17,1 за Сантус. Меѓутоа шпанското обвинителство сметаше дека целиот трансфер Барселона ја чинел 83 милиони евра, но тоа не успеа да го докаже.
