Ига Швјонтек е победничка на УС опен.
Таа во финалето на Грен слем турнирот во Њујорк победи против тунижанката Онс Жабер со 6:2, 7:6(5) и на тој начин по нешто помалку од два часа од мечот ја освои третата Грен слем титула. во нејзината кариера.
Пред нејзиниот успех во Њујорк, таа беше победничка на Ролан Гарос во 2020 година и оваа година. Жабер, пак, го одигра вториот последователен финален меч на Грен слем турнирите, но повторно загуби, исто како неодамна на Вимблдон.
Жабер, инаку петтата носителка, влезе во мечот нервозна, а Швјонтек, најдобрата тенисерка на денешницата, ништо не прости и со жестоки напади многу лесно ја разби противничката во тој прв сет за 6:2. Сепак, и на крајот од првиот дел можеше да се очекува Жабер да се разбуди, а таа одигра многу подобро во вториот сет иако постојано заостануваше. Потоа дојде напната завршница на вториот сет во кој Жабер спаси една меч топка кога сервираше за 5:6 за да остане во мечот.
Таа се извлече од таа ситуација, а во тај-брејкот Швјонтек поведе со 4:2. Тунижанката одговори со три поени во низа, а на 5:4 сервираше неодбранливо за 6:4. Сепак, топката го допре врвот на мрежата, поради што Жабер го повтори сервисот, го загуби, а потоа и следните два поени за крај на мечот и последното славје на Полјачката на стадионот „Артур Еш“.