Капитенот на Пари Сен Жермен Тијаго Силва потврди дека го одиграл последниот меч за францускиот првак.
Тој исто така откри дека преговара со Фиорентина, но дека „ништо не е потпишано“.
„Парижаните“ синоќа ба поразени од минхенски Баерн со 1:0 во финалето од Лигата на шампиони во Лисабон, а Бразилецот рече дека неговото време во главниот град на Франција истекло.
„Тоа беше мојот последен меч за ПСЖ“, изјави Силва за Sky Sport Italia.
„Задоволен сум од осумте години поминати во Париз, сонував за трофеј во ЛШ. Дадов сѐ од себе, но сега морам да побарам нов тим“, додаде тој.
На поранешниот стопер на Милан му е понудено да се врати во Серија А, во Фиорентина, но тој уште ги разгледува сите опции.
„Фиорентина? Мојот менаџер преговара со нив и со други тимови, но уште ништо не е потпишано. Утре или задутре ќе ги разгледам понудите и ќе ја донесам најдобрата одлука за мене и за моето семејство“, изјави 35-годишниот фудбалер за Football Italia.
