Името Жоау Мендес сигурно сѐ уште не им значи на многумина во светот на фудбалот, но младиот фудбалер полека тропа на вратата на сениорскиот тим на Барселона.
Жоау Мендес џи Асис Морејра е син на еден од најдобрите фудбалери кои светот ги видел, легендата на Бразил и Барселона, Роналдињо. Овој 18-годишник пристигна во Барселона од младинскиот тим на Крузејру на почетокот на годинава.
18-годишниот Мендес играше за кадетите на Барселона неколку месеци и импресионираше со неговите потези од натпреварите кои беа објавени на социјалните мрежи, пред во јули да биде прекомандуван во јуниорскиот тим на каталонскиот гигант.
Чекор по чекор се подготвува за шанса во првиот тим на Барселона, а каква е политиката на клубот од „Камп Ноу“, нема сомнеж дека ќе добие можност бидејќи таму одлично работат со млади фудбалери.
Додека се подготвува за првиот тим на Барселона и чека повик и шанса, Жоау Мендес посвети многу внимание на својот физички изглед. Така, на фотографиите, кои беа објавени на социјалните мрежи, евидентен е одличниот мускулест изглед кој го наследил од својот татко.
Фановите се импресионирани од фотографиите на Мендес кој неодоливо потсетува на еден од најомилените фудбалери кои некогаш се појавиле, неговиот татко Роналдињо.
