Уредувањето на домот бара многу време и внимание за да се доведе сѐ до совршенство. Тоа е особено важно при уредувањето на детската соба бидејќи сакаме нашите деца да се чувствуваат спокојно и среќно во просторот кој е само нивен.
Фенг шуи е многу популарен концепт за уредување простор, а доста е важно доколку уредувате детска соба. Тајната е во додавањето на мали елементи на просторот кои ќе го направат потопол и попријатен за детето.
Фенг шуи диктира сè, од правилното поставување на креветот, до основните украсни предмети. Целта е да се создаде детска оаза и место каде детето секогаш ќе се чувствува убаво и безбедно.
Велат дека децата и родителите можат да уживаат во успехот иво животот доколку ги поддржува просторот.
Еве неколку совети од фенг шуи кои ќе ви помогнат.
1. Порамнете го креветчето со најширокиот дел од собата.
Погрижете се вашето дете да ја гледа вратата од собата, но да не е директно поврзано со неа. Вашето дете не треба да дели ѕид со тоалет, а не се препорачуваат кревети на спрат.
2. Направете простор за учење и постигнување
Ако го опремувате просторот за учење, ставете биро и светилка во просторијата, на тој начин на детето му ја покажувате важноста на образованието. Нека има простор на јужниот ѕид за неговите награди и дипломи за да му покажете колку сте горди на него.
3. Користете светлина, боја и уметнички дела
Светлина и светли бои се идеални за среќна средина. Најдобар избор се жолтите, светлозелените, виолетовите и розовите нијанси, а жолтата се смета за најдобар избор.
4. Ставете фотографија од семејството во детската соба
Најдобро би било да е среќна слика од заеднички настан или семејно патување. Ова му дава на детето чувство на припадност и може да биде добар поттик да се доведе во ред проблематично дете.
