Чаршафите со ластик се едни од најпрактичните нешта што се појавија последниве децении. Едноставни се за употреба, идеални за спиење, без иритирачкото гужвање додека спиете.
Сепак, и овој дел од постелнината крие своја тајна, која ја открива Лиз Џонс, самонаречената „гуру за домаќинство“.
Имено, Лиз сподели трик за кој вели дека е малку познат, а ја упростува постапката при местењето на чаршаф со ластик на креветот.
„Внимавајте етикетата на чаршафот секогаш да биде од долната десна страна на креветот. Чаршафите со ластик така подолго ќе ви траат бидејќи нема упорно да се обидувате пократкиот дел под платното да го растегнувате на поширокиот дел од душекот“, објаснува таа.
Додаде дека тоа е толку едноставно што би сакала порано да го знаела ова. Овој трик ќе ви заштеди време, а чаршафите ќе траат подолго.