Над 10% од луѓето имаат страв од одење на заболекар, а причината поради тој страв е болката која мислат дека ќе ја имаат поради отстранувањето на кариесот, бушењето или анестезијата.
Но, постојат начини како болката да се намали, како и начин како човек да се ослободи од стравот од заболекарот.
На пример, може да ви помогне сознанието дека периодот од денот е пресуден за количината на болка која ќе ја почувствувате.
Заболекарот Јохан Х. Шмит ги советува сите кои се двоумат да отидат на преглед или подолг зафат: „Одете попладне бидејќи тогаш пациентите чувствуваат помалку болка предизвикана од инјекции или бушење“.
Според него, во овој дел од денот мозокот произведува особено големи количини на ендорфин и опиоид, кои ја намалуваат болката. Тогаш и анестезијата подобро ќе делува и, пред сѐ, нешто подолго.
