Позната е ефективноста на кафето за расонување, но оние кои бараат алтернатива на утрински напиток може да се послужат со следните предлози за подигнување на енергијата – слушање музика, прошетка, јога, ароматерапија или хидратација.
Иако за многумина кафето е проверен начин за расонување и будење на телото и умот, постојат и луѓе на кои може да им се појават здравствени тегоби како желудочни проблеми, зголемен крвен притисок и слично.
Со помош на овие неколку брзи начини може да се разбудите без да пиете кафе наутро:
Направете петминутна сеанса на јога
„Краткото вежбање јога наутро може да го подобри нивото на енергија“, вели фитнес тренерот Стефани Мансур за CNN.
Телото ќе го разбудите со подобрување на циркулацијата и ослободување од вкочанетост или болки во телото, а истовремено ќе го активирате мозокот со создавање ендорфин за добро чувство покрај вашите јога движења, советува таа.
Излезете надвор
„Разбудете ги телото и умот со движење, тоа е многу поприродно и подолготрајно од зголемувањето на енергијата со помош на кафе“, вели Мансур.
Кардио тренингот и забрзувањето на срцевите отчукувања служат како зголемување на енергијата. Утринската прошетка исто така може да биде мирна и да ја промени перспективата бидејќи гледате различни работи – небо, дрвја, природа и слично.
Исто така, прошетката го подига нивото на енергија поради температурата, дури и ако е топло надвор, тоа го буди телото.
Слушајте енергична музика
Слушањето на пожива музика наутро може да ви даде енергија особено ако слушате додека вежбате.
Хидратација
„По спиење на телото му недостига хидратација, што е многу важно за различни функции во мозокот и телото“, вели за CNN Фарел Ален, американски нутриционист.
Пробајте и ароматерапија
„Употребата на екстракти од ароматични билки и етерични масла за терапевтски инхалации, масажи или капење може да функционира и во расонувањето за некои луѓе, вели Фарел.