По жрепката за Лигата на шампионите, на истото место во Нион се одржа и онаа за Лига Европа.
Рома трета сезона по ред во европските натпреварувања оди на мегдан со холандски Фејнорд. Откако двата тима го играа првото финале во Конференциската лига во сезоната 2021/2022, а победи Рома, наредната 2022/2023 сезона се сретнаа во четвртфиналето од Лига Европа каде повторно подобра беше Рома. Дали ова ќе биде трета среќа за Холанѓаните?
Милан, кој испадна од Лигата на шампионите, за пласман понатаму ќе се бори против фрнацуски Рен.
Првите натпревари се закажани за 15 февруари 2024 година, а реваншите на 22 истиот месец.
Победниците ќе изборат пласман во осминафиналето, каде ќе се соочат со првопласираните од групите.
Осминафиналната жрепка ќе се одржи на 23 февруари.
Потсетуваме, бранителот на пехарот и најтрофеен клуб во ова натпреварување со 7 титули, Севиља, нема да учествува откако заврши последна во својата група во Лигата на шампионите.
Финалето оваа сезона ќе се игра на „Авива“ стадионот во Даблин, Ирска, на 22 мај.