Вообичаена ситуација за патниците е во текот на лет и обраќање на пилотите да слушнат дека висината на летање е 11.000 метри, а постојат низа причини зошто се одбира таа висина.
Според USA Today, вообичаената висина на летање за повеќето комерцијални авиони е меѓу 10.000 метри и 13.000 метри или измеѓу 9.000 метри и скоро 12.000 метри над нивото на морето. Типично, авионите летаат на висина од околу 10.000 метри и 11.000 метри.
Најголемата причина за оваа висина лежи во ефикасноста на горивото. Реткиот воздух дава помалку отпор што значи дека авионот може да потроши помалку гориво за да ја одржи брзината.
Летот на поголема надморска висина значи дека авионите можат да избегнат птици, дронови и лесни летала, како и хеликоптери кои летаат на пониски висини.
Насоката во коа авионот патува може да влијае на висината на која ќе се искачи. Авионите кои летаат кон исток ќе летаат на непарни висини, а сите останати ќе летаат на парни висини.
Рутите кои одат во иста насока исто така се планираат така што авионите се 300 метри еден над друг или под друг за да се избегне судир.
Според USA Today, летот на поголема надморска висина исто така може да ги минимизира турбуленциите. Надморската висина на пилотите може да им даде една голема предност кога се во воздух, а тоа е доволно време. Ако се случи нешто што бара итно слетување, висината им дава на пилотите многу повеќе време да ја поправат ситуацијата или пронајдат безбедно место за слетување.
