Чистењето на вашиот дом всушност е добро за намалување на анксиозноста и стресот. Студија спроведена на Принстон откри дека луѓето кои живеат во неред и хаос се повеќе под стрес и помалку продуктивни. Самиот чин на чистење на домот го зголемува чувството на продуктивност.
Според резултатите од истражување, кога домот е преполн и неуреден се зголемува нивото на хормонот на стрес во телото. Исто така, има и негативно влијание на менталното здравје, предизвикувајќи напнатост и несигурност.
Предностите на чистењето се многубројни. Освен што помага во ослободувањето ендорфин, чистењето е добар облик на вежбање, но исто така дава чувство на задоволство бидејќи може да го организирате просторот во кој живеете.
Мирисот на домот има длабоко влијание на менталното здравје. Ако во вашиот простор постои пријатен мирис, ќе се чувствувате поопуштено и ќе имате повеќе енергија.
Неуредната куќа има негативно влијание и на спиењето. Средениот дом помага да спиете здраво бидејќи просторот е без неред и зголемена е позитивната енергија во собите, што помага во поквалитетен сон.
Чистењето на животниот простор дава чувство дека сте постигнале нешто, а резултатите се веднаш видливи. И тоа вас ве прави среќни.
Исклучок е ако имате мали дечиња, тогаш целиот простор им е подреден на најмалите, па резултатите се видливи многу кратко време :)
