Во текот на официјалната истрага на Samsung за проблемите со Galaxy Note 7, компанијата утврдила дека проблемите настанале поради погрешната големина на батеријата и грешката во производството.
Wall Street Journal пишува дека компанијата во текот на викендот ќе го објави официјалното соопштение, кое го составиле три независни фирми за анализа и контрола на квалитет. Тие откриле дека инцидентите со батеријата настанале поради два различни проблеми.
Првиот проблем е со батеријата што ја произвела компанијата Samsung SDI. Овие батерии не се вклопуваат во смартфонот правилно, па тоа довело до прегревање, а во некои случаи и до палење и експлозија на смартфонот. Потоа Samsung се свртел кон компанијата Amperex Technology од Хонг Конг, но поради брзањето да се направат доволно залихи од Note 7, дошло до вториот проблем односно грешка во производството.
Galaxy Note 7 беше повлечен од производство на 2 септември минатата година, а производството беше прекинато на 11 октомври кога компанијата откри дека проблемот се појавува и кај заменските уреди.
