Карим Бензема по „гревовите“ се врати во француската репрезентација, а тоа не им се допадна на сите.
Француската фудбалска репрезентација беше поразена во финалето на Светското првенство против Аргентина, но она што многу повеќе ги загрижува навивачите е лошата атмосфера во тимот.
Во доцната фаза од турнирот се појави информација дека Карим Бензема му направил голем проблем на тренерот Дидје Дешан, кого постојано го „пецкаше“ преку социјалните мрежи, откако официјално најдобриот светски фудбалер беше „пречкртан“ рано од турнирот поради повреда.
Не е изненадување што незадоволниот Бензема веднаш по турнирот објави дека се повлекува од репрезентацијата, а потоа почнаа да протекуваат информации дека има соиграчи од репрезентацијата кои жестоко се спротивставуваат на него.
Неофицијално, против Бензема во репрезентацијата беа капитенот Иго Лорис и еден од најдобрите играчи на „триколорите“ со години Антоан Гризман, но не се знае зошто. Се шпекулираше дека биле против враќањето на Бензема во репрезентацијата и за претходното ЕП, кога Дешан поради лошата форма на останатите напаѓачи попуштил под притисокот и го вратил играчот на Реал Мадрид во тимот - претходно шутнат поради секс-скандал.
Има информации дека имало и такви кои биле на страната на Бензема, дури еден од нив бил Оливје Жиру, кој поради него ја загубил стартната позиција во Франција, но дека Дешан на крајот ја послушал соблекувалната.
Ќе видиме дали ќе има промена во француската репрезентација по поразот во финалето на Мундијалот, откако веќе подолго време се шпекулира дека Зинедин Зидан би можел да го замени Дидие Дешам. Доколку тоа се случи, се верува дека Бензема би се предомислил и би се вратил во редовите на „триколорите“, токму навреме за ЕП 2024 година.
