Науката има одговор зошто возењето во автомобил ги смирува и успива бебињата.
Научници дојдоа до интересни заклучоци кои упатуваат на тоа дека внатрешноста на автомобил во движење ги потсетува бебињата на безбедно, топло и тивко опкружување кое го имале додека биле во матката.
Звукот и вибрирањето на автомобилот што се движи создаваат сличен звук и движење кои помагаат бебето да се опушти. Автомобилот нуди ист вид лулање кое бебето го чувствувало додека било во матката, додека на пример сте пешачеле. Ова е природна реакција на сензомоторниот систем на бебето.
Истражувачите откриле дека нежното и постојано лулање го регулира надворешниот, физички и срцев систем на бебето на координиран начин кој ги смирува. Лулањето влијае бебето да биде опуштено, така што се намалува пулсот и се зголемува чувството на сигурност.
Постојаното брмчење на моторот е вид врева која го смирува бебето. Автомобилскиот мотор е вид бела врева која може да ги имитира познатите звуци кои бебето ги слушало во матката и може да прикрие гласни звуци кои можат да го вознемират бебето.
Во мала студија објавена во Archives of Disease in Childhood, новороденчето ги слушало снимките од интраутерни звуци. Се покажало дека слушањето на овој вид врева ја зголемило веројатноста бебето да заспие во рок од 5 до 25 минути за 80%.
Удобноста на автомобилското седиште создава чувство на сигурност. Исто така, пријатната топлина од внатрешноста на автомобилот може целосно да го пренесе чувството кое бебето го имало додека било во матката.
Иако резултатите од истражувањето покажале дека бебињата кои се возат во правилно поставено автомобилско седиште сосема се безбедни, не се советува бебињата да се навикнуваат на ваков вид успивање.
