Компанијата ZTE го претстави првиот смартфон во светот кој има селфи камера под екранот.
Се работи за смартфонот ZTE Axon 20 5G чиј тизер е објавен пред неколку недели. Поседува 6,92-инчен OLED екран со FHD+ резолуција под кој се наоѓа селфи камерата од 32 МP.
Од компанијата велат дека користеле 5 различни технологии за да овозможат функционалност на камерата под екранот. Хардверот овозможува синхронизација на боите помеѓу селфи камерата и екранот.
ZTE нема да биде единствена компанија која ќе претстави уред со вакво решение бидејќи и Xiaomi најави смартфон со камера под екранот.
Смартфонот ZTE Axon 20 5G има и други одлични спецификации како што се Qualcomm Snapdragon 756G процесор, 6/8 GB RAM, 128/256 GB интерна меморија, батерија од 4.220 mAh и поддржува 5G мрежа. Има 4 задни камери од 64 MP, 8, 2 и сензор за длабочина од 2 MP.
ZTE Axon 20 5G веќе e достапен во Кина и чини 322 долари. Засега не е познато дали ќе се појави и на другите пазари.
Читајте следно: Xiaomi ветува револуција: Селфи камера под екранот