Карлос Алкарас неочекувано тешко стигна до победа во првото коло на Вимблдон, откако по два и пол часа борба го совлада Естонецот Марко Лајал со 3:0.
Лајал му пружи голем отпор на фаворизираниот Шпанец, кој во воведниот сет дури во една прилика му го одзеде сервисот и поведе со 3:2, но Алкарас брзо возврати и на крајот стигна до 7:6 во тај-брејкот.
Во вториот сет Лајал повторно прави брејк, а Алкарас возвраќа и со пресврт доаѓа до 7:5, за да ја потврди победата со сигурни 6:2 во последниот трет сет од мечот за конечни 3:0.
Alcaraz begins his Wimbledon title defense with a straight-set win over Lajal! 💪🇪🇸#Wimbledon pic.twitter.com/sxpISg294x
— Roland-Garros (@rolandgarros) July 1, 2024
Алкарас, кој ја брани шампионската титула на Вимблдон, во второто коло ќе игра против победникот од дуелот меѓу Вукиќ и Офнер.
Во второто коло стигна и Хрватот Борна Ќориќ со победа од 3:0 над Бразилецот Мелигени Алвис, а Каспер Руд со истиот резултат го совлада Австралиецот Алекс Болт.
Најинтересно беше на дуелот меѓу Џордан Томпсон и Павел Котов, каде Австралиецот победи со 3:2 по четири часа и 10 минути борба.