Скандал по полуфиналната победа - излезе видео на кое аргентински фудбалер фрла хрватски дрес во канта за ѓубре.
Во полуфиналниот натпревар од Мундијалот во Катар, кој се играше во вторникот, Аргентина со убедливи 3:0 ја совлада Хрватска, со што со истиот рeзултат ѝ се одмазди за горчливиот пораз во групната фаза на Мундијалот во Русија пред 4 години.
Но, по натпреварот излегоа детали од славјето на Aргентинците во соблекувалната, детали кои воопшто не ѝ личат на една голема репрезентација од калибарот на Аргентина.
На својот TikTok профил Пауло Дибала објави видео од славјето по победата, на кое на кратко се гледа и еден контроверзен момент.
Додека Аргентинците ја слават победата и пласманот во финалето, еден од нив фрла в канта дрес од хрватската репрезентација. Токму синиот гостински дрес со кој „Ватрените“ играа на натпреварот. Моментот е лесно воочлив на видеото, но тешко е да се препознае кој е играчот што го фрла дресот бидејќи се наоѓа на другиот крај на просторијата и лицето не му е баш препознатливо. Делува дека е еден од играчите кои останаа на клупата со оглед на тоа што не е облечен во дрес, а делува премногу млад за да биде член на стручниот штаб.
До кантата стои Кристиан Ромеро. Откако дресот завршува в канта, по неколку секунди тој го вади и го фрла во главата на соиграч. Ромеро е соиграч на Иван Перишиќ во Тотенхем. Најмногу личи на резервистот Тиаго Алмада, кој на Мундијалот одигра само 8 минути и тоа против Полска.
@paulodybala VAMOS ARGENTINAAAAA 💙💙💙💙#fyp #argentina #worldcup ♬ sonido original - Paulo Dybala
