Италијанскиот тенисер Матео Беретини се обрати по четвртфиналниот натпревар на УС Опен против Новак Ѓоковиќ.
Беретини го освои првиот сет, а потоа Новак играше одлично и лесно ги освои наредните три.
„Многу тежок натпревар, како и сите досега со Новак. Се чувствував добро, играв добро. Тој го има ‘она’, нешто што го прави да биде најдобриот играч на сите времиња, секогаш знае во кои моменти треба да даде сè од себе. Не е важно како некој друг игра, тој игра подобро. Не можев да му се спротивставам, тој заслужи да победи. Позитивно е што учам многу работи од нашите натпревари. Не можам да се жалам, ја видов статистиката. Беше подобар, играв добро, но тој е подобар“, рече Беретини.
На прашањето колку е физички напорно да се игра против Новак, Беретини одговори:
„После два сета останував без енергија кога играв против Рафа, но против Новак не останав без енергија, само ми недостасува искуство за да играм против него, морам да го заработам секој поен. Не е важно дали ќе сервирам добро или ќе одиграм добро, мора да се помачам за секој поен. Не мислам дека играв полошо подоцна отколку во првиот сет. Таква е играта против него“, заклучи Беретини.
Светскиот рекет број 1 е на добар пат да освои календарски грен слем, но го чека тежок меч со Зверев во полуфиналето.