Биткоинот денес достигна рекордно високо ниво од 28.599,99 американски долари, откако вредноста на криптовалутата се зголеми за 295 проценти поради зголемениот интерес од големите инвеститори.
Дигиталната валута особено го привлече вниманието на големите американски инвеститори, кои го препознаа потенцијалот за брза заработка.
На растот на вредноста на биткоинот влијаеше и очекувањето дека оваа криптовалута ќе стане едно од вообичаените средства за плаќање.
Пред една недела вредноста на биткоинот се намали за шест проценти по веста за брзото ширење на новиот вид на коронавирус во Велика Британија, што влијаеше и на вкупната состојба на финансиските пазари.
Една монета од оваа криптовалута на 23 декември вредеше 22.290 долари, една недела претходно го достигна претходниот рекорд од 24.339,75 долари.
Најстарата и најголема криптовалута во светот според пазарната капитализација, биткоинот, на 17 декември за првпат ја надмина границата од 22.000 американски долари.
