Бројот на повредени во терористичкиот напад во Виена се искачи на 17. Во текот на ноќта беше објавено дека 15 лица се пренесени во виенски болници со прострелни рани и дека седум се тешко повредени.
Портпаролот на Здружението на виенски болници, Кристоф Миро, за агенцијата APA изјави утрово дека виенските болници примиле 17 повредени лица, од кои најмалку шест се со сериозни повреди. Меѓу тешко повредените е и еден полицаец, кој се уште е во критична состојба.
Министерството за внатрешни работи утрово потврди дека биле извршени претреси во неколку станови кои се поврзани со убиениот напаѓач. Во полициската акција уапсени се неколку лица, јавија австриски медиуми.
Во терористички напад што се случи синоќа во центарот на Виена беа убиени три лица, а полицијата уби еден напаѓач.