Според првата клиничка студија во која овие два додатоци биле тестирани под контролирани услови, и покрај широко распространетото верување дека витаминот Ц и цинкот помагаат во борбата против ковид, за жал се покажа дека не помагаат дури и во големи дози.
Една нова студија, објавена во петокот во медицинското списание JAMA Network Open, откри дека витаминот Ц и цинкот немаат никаква корист за луѓето кои страдаат од COVID-19. Покрај тоа, резултатите што ги добиле за време на студијата биле толку јасни што го завршиле истражувањето порано од предвиденото, пренесува CNN.
„За жал, овие додатоци не ги исполнија очекувањата“, напишаа д-р Ерин Мичос од Џонс Хопкинс и д-р Мигел Каинзос-Ахирика.
Истражувачите им давале големи дози од одредени суплементи, како и комбинации од нив, на три групи од 214 волонтери кои се опоравуваат од болеста дома. Четвртата група добила други стандардни терапии како хидратација, лекови за намалување на температурата и одмор.
Високи дози на цинк, витамин Ц или и двата додатоци не ги намалија симптомите на вирусот SARS-CoV-2, изјави кардиологот д-р Милинд Десаи од клиниката во Кливленд. Но, суплементите предизвикале некои несакани несакани ефекти - најчести биле гадење, дијареја и грчеви во стомакот.
Многумина почнаа да земаат витамин Ц и цинк како суплемент во исхраната за време на пандемијата, но тие се исто така популарни додатоци и за обична настинка, вируси и грип.
Витаминот Ц е моќен антиоксиданс кој игра многу важна улога во градењето на имунитетот. Иако не го спречува развојот на болеста, според некои истражувања, го скратува времетраењето на настинките за 8% кај возрасните и за 14% кај децата. Употребата на витамин Ц по појавата на симптомите, сепак, не е премногу корисна, истакнуваат од Националниот институт за здравство.
Што се однесува до цинкот, некои студии покажуваат дека тој помага во борбата против инфекциите. Исто така, постојат докази дека недостаток на цинк во организмот го намалува производството на антитела. Ова значи дека земањето цинк во рок од 24 часа по развојот на настинка може да помогне во намалување на времетраењето на болеста.
Меѓутоа, ако земате повеќе од 2.000 мг витамин Ц на ден, можна е појава на киселини, грчеви во стомакот, гадење, повраќање, дијареја и главоболки. Препорачаната дневна доза на витамин Ц е 75 милиграми за возрасни жени и 90 милиграми за возрасни мажи.
Исто така, повеќе од 40 милиграми цинк секој ден може да предизвика сувост на устата, гадење, губење на апетит и дијареја и може да остави лош метален вкус во устата.
