Босанскиот напаѓач Един Џеко, придружуван од сопругата Амра, пристигна во Милано на медицински прегледи, каде што ќе потпише двегодишен договор со Интер, а на аеродромот беше пречекан од приврзаниците на „нероаѕурите“.
Џеко пристигнува во Интер како замена за Ромелу Лукаку, кој преминува во Челси за 115 милиони евра, а ќе потпише двегодишен договор вреден 5,5 милиони евра, со одредени бонуси.
Интер ќе плати околу 1,8 милиони евра за Џеко, а дел од парите од трансферот ќе одат за Железничар, кој ќе заработи околу 58.500 евра благодарение на механизмот за солидарност на ФИФА (3,25%).
Иако Жозе Мурињо сакаше да го задржи „Дијамантот“ во Рома, сепак беше одлучувачко ветувањето што Џеко го доби минатата зима од лидерот на клубот дека може да го напушти клубот доколку добие задоволителна понуда.
Капитенот на репрезентацијата на БиХ имаше важечки договор со Рома до летото следната година, а претходно медиумите од Апенините пишуваа дека на клубот од Рим не би му пречело да го ослободи Џеко и со тоа да заштеди 7,5 милиони евра, колку што е неговата плата , што на крај и се случи.
Џеко се очекува да го носи дресот со број девет во Интер, кој ќе го наследи од Ромелу Лукаку.