Спортскиот свет, а особено тениските фанови, уште се во шок од вчерашната дисквалификација на Новак Ѓоковиќ од УС Опен.
Во официјално соопштение, челниците на овој Грен слем турнир ги објаснија причините зошто српскиот ас е исфрлен од турнирот.
Американците објаснија дека Ноле ќе биде исфрлен бидејќи ја удрил линиската судијка со топче, дека ќе му бидат одземени сите поени што ги заработи на годинашниот турнир, како и бодовите што ги сообра.
Американските медиуми наведуваат дека Ѓоковиќ го молел главниот судија да ја промени одлуката и да не го дисквалификува од турнирот, но судијата наводно му рекол дека немал друг избор.
Ѓоковиќ се извини за немилиот настан преку социјалните мрежи, но неговите фанови сметаат дека му било пресудено престрого, особено имајќи предвид што друго досега судиите превиделе или избрале да не санкционираат.
Како најдобар пример фановите ја наведуваат ситуацијата од пред повеќе од десет години на Австралија Опен, кога Роџер Федерер погоди едно од децата кои собираат топки на теренот.
Ситуацијата со Федерер беше сфатена како на шега, па дури и со коментари дека детето било „среќно што го погодило топка на Федерер“.
Швајцарецот не доби ниту опомена, а Ноле беше дисквалификуван и неславно се повлече иако беше прв фаворит за трофејот во Њујорк.
Што мислите вие? Дали има двојни аршини кога станува збор за Ѓоковиќ?