Поранешниот француски репрезентативец во јавност изнесе низа обвинувања за силно присуство на расизам кај водечките луѓе на ФФФ, расизам кој се пренесувал и во репрезентацијата.
„Кога доаѓаат претседатели или политичари сите си имаме одреди места. Еднаш ме префрлија на крајот од масата, каде што беа Бакари Сања и Мамаду Сако. Иго Љорис и Лоран Косјелни секогаш седат на средина, каде што е претседателот. Свесни бевме за овие 'правила'. Ако претседателот сака слика, подобро е да ја направи со Љорис и Косјелни отколку со Сања и Сако“, обвинува Евра.
Погодувате, Евра седел со останатите црнци Сања и Сако, додека претседателот бирал да седи со белците Љорис и Косјелни.
Патрис Евра, сега 39-годишен, играше за Франција во периодот од 2004 до 2016 година и собра 81 настап. Роден е во Дакар, главниот град на Сенегал, а во Франција живее од 3-годишна возраст.
Евра откри и дека прочитал неколку пораки кои биле испратени на селекторот Дидје Дешан. Содржината на едно гласела: „Диди, земи си ги мајмуните и марш во Африка!“.
Многу слични писма пристигнувале во тренинг-центарот на репрезентацијата. „Ги криевме, некои и сега ги чувам. Дури добивме и кутија полна со фекалии“.
